بسم الله الرحمن الرحيم
Friday 21st September 2018 | 10 முஹர்ரம் 1440AH
பதாகை
news menu left
news menu right
இஸ்லாத்திற்கெதிராக பிரிட்டிஷ் உளவாளியின் ஒப்புதல் வாக்குமூலம்! (பாகம் -1)அச்சிடுகமின்-அஞ்சல்
17 மே 2012 மாலை 10:17

முன்னுரை

இப்பூலகில் இஸ்லாமும், முஸ்லிம்களும் செழித்தோங்க கிலாபத் (இறைப் பிரதிநிதிகளின் ஆட்சி) என்ற உன்னத கருத்தியலை – நடைமுறையை அல்லாஹ்வும் அவனுடைய தூதரும் நமக்களித்துள்ளனர்.

இத்தகைய உன்னதமான கிலாபத் முறை கடந்த நூற்றாண்டின் தொடக்கத்தில் மிகவும் பரிதாபமான சூழ்நிலையில் தகர்க்கப்பட்டது. இதற்கான காரணங்களை வரலாறு தெளிவாகவே பதிந்து வைத்துள்ளது.

கிலாபத் தகர்வதற்கான காரணிகளை இலங்கை ஜாமிஆ நளீமிய்யாவின் கலாபீடத்தைச் சார்ந்த அஷ்ஷெய்க், ஏ.எஸ்.எம்.ஜலீல் அவர்கள் கீழ்க்கண்டவாறு வகுக்கிறார்.

அகக்காரணிகள்

1. கொள்கைப் பற்றின்மை

2. இபாதத் என்பது வணக்க வழிபாடுகளோடு மாத்திரம் சுருக்கப்பட்டமை

3. ஷிர்க், பித்அத் பரவியமை

4. இஜ்திஹாதின் (அறிவுத்தேடல்) வாயில் மூடப்பட்டமை

5. அநியாயம் பரவியமை

6. ஆடம்பரம் தலை தூக்கியமை

7. கருத்து வேறுபாடுகளும், பிளவுகளும்.

புறக்காரணிகள்

1. ஐரோப்பா ஷீஆக்களுடன் சேர்ந்து போராடியது

2. பிரான்ஸூடனான ஒப்பந்தம்

3. எகிப்து மீதான பிரான்ஸின் தாக்குதல்

4. அல்ஜீரியா கைப்பற்றப்படல்

5. யூத நிழலுலக அமைப்பான Freemason  இன் உளவாளிகள் முஸ்லிம் பிரதேசங்களில் நுழைந்தது.

6. துருக்கி (சடவாத) மதச்சார்பற்ற நாடாக மாற்றப்பட்டது.

7. ரஷ்யாவின் தாக்குதல்

8. இத்தாலி லிபியாவைக் கைப்பற்ற முயன்றது

9. முதலாம் உலகப்போரில் துருக்கியின் தோல்வி.

இறுதியாக....

Freemason அமைப்பைச் சார்ந்த முஸ்தபா கமால் துர்கின் மூலம் யூதர்களும், கிறிஸ்தவர்களும் கிலாபத்தை கி.பி 1924 இல் வீழ்த்தினர். மேற்கண்ட தலைப்புகளின் கீழ் ஏராளமான உட்தலைப்புகளும் உள்ளன. எனினும் நாம் கிலாபத்தை வீழ்த்திய புறக்காரணிகளில் முக்கியமான யூத, கிறிஸ்தவ சதிக்கூட்டின் ஓர் அத்தியாயத்தை மட்டும் வழங்குகிறோம்.

இத்தொடரின் மூல ஆவணத்தின் பெயரே இக்கட்டுரையின் தலைப்பாக வைக்கப்பட்டுள்ளது. ஆங்கிலத்தில் 99 பக்கங்களுடைய இந்த ஆவணத்தில் நமக்கு தேவையான விஷயங்களை மட்டும் தேர்ந்தெடுத்து தமிழாக்கத்தின் மூலம் உங்களின் மேலான பார்வைக்குச் சமர்ப்பிக்கின்றோம். இனி நூலுக்குள் செல்வோம்.

நிச்சயமாக யூதர்களையும் இணை வைப்பவர்களையும் முஃமின்களுக்கு கடும் பகைவர்களாக (நபியே) நீர் காண்பீர். (அல்குர்ஆன் 5:82)

இஸ்லாம் இம்மண்ணில் நிலைபெறும் போது பாதிரிகள் குருமார்களின் இருண்ட கால ஆதிக்கமும் மேலாண்மையும் நுழைக்கப்பட்டன. அவர்களும் பரப்புரை சபைகளை Freemason நிறுவி இஸ்லாத்தை ஒழிக்க முனைந்தனர். இவ்விஷயத்தில் பிரிட்டிஷார் தான் முன்னோடிகள்.

'பிரிட்டானிய சுதந்திர நாடுகளின் திருச்சபை' ((A MINISTRY OF BRITISH COMMON WEALTH) என்ற ஒரு அமைப்பை லண்டனில் நிறுவினர். இதன் நோக்கம் இஸ்லாத்திற்கு எதிராக போரிடுவதேயாகும்.

இந்த திருச்சபையில் வேலை செய்பவர்களுக்கு யூத குயுக்திகள் கற்றுக் கொடுக்கப்பட்டன. நினைத்துப் பார்க்க முடியாத பல தீய திட்டங்களை தீட்டிய இவர்கள், இத்திசையில் இராணுவ, அறிவியல் பலத்தைப் பயன்படுத்தி இஸ்லாத்தின் மீது தாக்குதல் தொடுத்தனர்.

இந்த திருச்சபையினரால் பல்லாயிரக்கணக்கான ஆண், பெண் உளவாளிகள் பணிக்கமர்த்தப்பட்டு எல்லா நாடுகளையும் நோக்கி அனுப்பப்ட்டனர். அவர்களில் ஒருவர் தான் நம் தொடரின் நாயகனாகிய ஹெம்பர் (HEMPHER).

பிரித்தானிய சுதந்திர நாடுகள் திருச்சபையின் பிரிட்டிஷ் ஊழியரான ஹெம்பருக்கு எகிப்து, ஈராக், ஈரான், ஹிஜாஸ், இஸ்தான்புல் (உதுமானிய கிலாபத்தின் தலைமை பீடம்) ஆகிய இஸ்லாமிய பண்பாட்டு மைய நாடுகளில் ஒற்று அல்லது உளவு பார்;க்கும் பணி ஒப்படைக்கப்பட்டது

. உலகெங்கிலும் உள்ள குறிப்பாக ஆப்பிரிக்க, இந்திய நாடுகளில் உள்ள இயற்கை கனிம, தாது வளங்களை சுரண்டுவது தான் அன்றைய பிரிட்டிஷ் அரசின் இன்றியமையாத கொள்கையாக இருந்தது. அந்நாடுகளின் குடிமக்களையே விலங்குகளைப் போல் வேலை வாங்கி இந்த இயற்கை வளங்களை தங்கள் நாட்டிற்கு தூக்கிச் சென்றனர் பிரித்தானியர். இவர்களின் அநியாயங்களை யாரும் தட்டிக் கேட்கத் துணியவில்லை.

ஆனால் இஸ்லாத்தை வாழ்வியல் நெறியாக ஏற்கும் பேற்றைப் பெற்ற, நீதி, பரஸ்பர அன்பு, தரும சிந்தனை கொண்ட முஸ்லிம்கள் மட்டும் பிரிட்டிஷாரின் இந்த கொடூரங்களுக்கும், துரோகங்களுக்கும் குறுக்கே முட்டுக்கட்டையாக நின்றனர். எனவே தான் முஸ்லிம்களுக்கு எதிராக பிரிட்டிஷார் கங்கணம் கட்டியவர்களாக மாறினர்.

இந்நூல் மூன்று பிரிவாக தொகுக்கப்பட்டுள்ளது.

முதல் பாகத்தில் ஏழு அத்தியாயங்கள். இந்த அத்தியாயங்களில் பிரிட்டிஷ் உளவாளியின் அவதூறுகள் அடங்கியுள்ளன. இந்த அபாண்டங்களை இஸ்லாத்தை கருவறுக்கும் நோக்கத்துடனேயே பிரிட்டிஷார் புனைந்ததாகும்.

இரண்டாம் பாகத்தில்,

• முஸ்லிம் நாடுகளில் தங்களது துரோக திட்டங்களை எத்தகைய கபடத்தனத்துடன் நடத்தினர்.

• ராஜ தந்திரிகளை எப்படி ஏய்த்தனர்.?

• கற்பனைக்கும் எட்டாத கடுந்துன்பங்களை முஸ்லிம்களுக்கு எங்ஙணம் இழைத்தனர்?

• இந்திய, உதுமானிய அரசுகளை எப்படி வீழ்த்தினர்? ஆகியவற்றைத் தொகுத்துள்ளோம்.

இந்த உளவுப்படலம் 18-ஆம் நூற்றாண்டில் நடைபெற்றது என்பதை வாசகர்கள் நினைவில் நிறுத்தவும். இனி ஹெம்பரைப் பேச விடுவோம்.


இன்ஷா அல்லாஹ் வளரும்...

ஆக்கம் : எஸ்.எம்.ஏ.  முஹம்மத் பஷீர் ஆரிஃப்.

செல்பேசி                 +91 99628 41761      

மின்னஞ்சல் : இந்த மின்-அஞ்சல் முகவரி spambots இடமிருந்து பாதுகாக்கப்படுகிறது. இதைப் பார்ப்பதற்கு தாங்கள் JavaScript ஐ இயலுமைப்படுத்த வேண்டும்


Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com