بسم الله الرحمن الرحيم
Thursday 16th August 2018 | 04 துல்ஹஜ் 1439AH
பதாகை
news menu left
news menu right

பதாகை

பதாகை

  • Google Bookmarks
  • Twitter
  • Windows Live
  • Facebook
  • MySpace
  • deli.cio.us
  • Digg
  • Newsvine
  • reddit
  • StumbleUpon
  • Yahoo! Bookmarks
  • Yigg
திருமணத்தை கண்டிப்பாக பதிவு செய்யனுமா?அச்சிடுகமின்-அஞ்சல்
25 ஆகஸ்ட் 2012 மாலை 09:55

நம் ஊரில் தற்போது பல திருமணங்கள் நடைபெற்றுக்கொண்டு இருக்கின்றன. ஆனால் பலர் அவர்களின் திருமணத்தை பதிவு செய்வது இல்லை. காரணம் விழிப்புணர்வு இல்லாமை. சிலர் அதான் பள்ளிவாசல் தப்தரில் பதிவு செய்து விட்டோமே, பிறகு எதற்கு மீண்டும் ஒரு பதிவு என்று வினவுவதும் உண்டு. இவர்களுக்காகவே இந்த பதிவு. நான் என்னுடைய மருமகனின் திருமணத்தை பதிவு செய்ததின் அனுபவ கட்டுரையே இது.

உச்ச நீதிமன்றம் சீமா -எதிர்-அஸ்வினி குமார் (2006 (2) SCC 578) என்ற தீர்ப்பில், திருமணங்கள் கட்டாயம் பதிவு செய்யப்படவேண்டும், அதன் பொருட்டு மாநில அரசாங்கங்கள் சட்டம் கொண்டு வரவேண்டும் என்று கருத்து தெரிவித்தது. இந்த தீர்ப்பின் அடிப்படையில் பல மாநிலங்கள் கட்டாய திருமண பதிவு சட்டத்தை கொண்டு வந்துள்ளன.

நம் தமிழ்நாட்டிலும் கட்டாய திருமண பதிவுச் சட்டம் கொண்டுவரப்பட்டு, 2009 ஆம் ஆண்டு, நவம்பர் 24 ஆம் தேதி முதல் இச்சட்டம் அமலுக்கு வந்தது. நம் அண்டை மாநிலமான பாண்டிச்சேரியில் 40 ஆண்டுகளுக்கு மேலாக இந்த சட்டம் நடைமுறையில் உள்ளது.

என்ன காரணம்:-

நம் நாட்டில் பல பெண்கள் திருமணம் என்ற போர்வையால் நாசம் செய்யப்பட்டு, குழந்தைகளை பெற்றுக்கொண்டும், துன்பங்கள் அனுபவித்துக்கொண்டும், இறுதியில் அம்போ என்று நடுதெருவில் விடப்படுகிறார்கள். இது மாதிரியான வழக்குகள் நீதி மன்றங்களில் பல ஆயிரக்கணக்கில் குவிவதால் இந்த சட்டம் கொண்டுவரப்பட்டதாம்.

யார் யார் எல்லாம் பதிவு செய்யனும்:-

அனைத்து மதத்தவர்களும் கண்டிப்பாக பதிவு செய்யனும்.

சரி, கொஞ்சம் விரிவாக பார்ப்போம்.

2009 ஆம் ஆண்டு, நவம்பர் 24 ஆம் தேதியிலிருந்து எந்த திருமணம் தமிழ் நாட்டில் நடந்திருந்தாலும், அது எந்த மதத்தைச் சேர்ந்த திருமணமாக இருந்தாலும், மற்ற சட்டங்களின் கீழ் ஏற்கெனவே பதிவு செய்யப்பட்டிருந்தாலும், Tamil Nadu Registration of Marriage Act, 2009 சட்டத்தின் கீழ் கட்டாயம் பதிவு செய்தே ஆகனும்.

எங்கே பதிவு செய்வது?

உங்கள் திருமணம் எந்த சார் பதிவாளர் அலுவலகத்தின் எல்லை வரம்புக்கு உட்பட்ட இடத்தில் நடந்ததோ, அந்த அலுவலகத்தில் பதிவு செய்யவேண்டும். நமக்கு பேருந்து நிலைய வளாகத்தில் அமைந்துள்ள சார் பதிவாளர் அலுவகத்தில் பதிவு செய்யனும்.

எப்படி பதிவு செய்வது.?

திருமணத்தை பதிவு செய்ய தனியாக விண்ணப்பங்கள் உள்ளன. அதை சார் பதிவாளர் அலுவலகத்திலோ அல்லது முர்சித் ஜெராக்ஸ் போன்ற நிறுவனத்திலோ பெற்றுக்கொள்ளலாம். கணவனுக்கும் மனைவிக்கும் தனித்தனி விண்ணப்பங்கள் பெற்று

பூர்த்தி செய்து, அவர்களின் பாஸ்போர்ட் அளவு புகைப்படம் ஒட்டி, அத்துடன் திருமணத்தைப் பதிவு செய்வதற்கான மனுவை இணைத்து கொடுக்கணும்.

மேலும் தேவையானவைகள்.

* இருவருக்கும் அடையாள அத்தாட்சி காப்பி கொடுக்கணும் (உதாரணமாக குடும்ப அட்டை, வாக்காளர் அடையாள அட்டை, வண்டி ஓட்டுனர் அட்டை போன்றவைகள்..)

* கணவருக்கும், மனைவிக்கும் தனித்தனியாக ஒரு சாட்சிகள்.( தந்தை ஆக இருப்பது நலம்).

* இந்த சாட்சிகளுக்கும் அடையாள அத்தாட்சி காப்பி இணைக்கனும்.

* திருமணம் நடந்து முடிந்த பள்ளிவாசலில் இருந்து திருமண சான்றிதல். குறிப்பாக மணமக்கள், ஆலிம் அவர்கள், சாட்சிகள் கையழுத்து போட்ட தப்தர் பக்கம் இருப்பது மிகவும் சிறந்தது. ( சில சமயம் இந்த கையழுத்து பக்கம் இல்லை என்றால், பள்ளிவாசலில் கொடுக்கும் திருமண சான்றிதழை நோட்டரி பப்ளிக் அவர்களிடம் அட்டெஸ்ட் வாங்கனும்).

** ஆக, அனைத்து சான்றிதல்களையும் காப்பி எடுத்து, அதை உரிய அரசாங்க அதிகாரியிடம் அட்டெஸ்ட் பண்ணனும். லஞ்சம் வாங்காமல் அட்டெஸ்ட் பண்ணுவது, நம் பள்ளிக்கூடங்களின் தலைமை ஆசிரியர்கள் தான்.

*** மேலும், திருமணத்துக்காக வரதட்சணை எதுவும் கேட்கப்படவில்லை, கொடுக்கப்படவில்லை, வாங்கப்படவில்லை என்றும் (இந்த விவரம் படிவத்திலேயே காணப்படுகிறது) உறுதி அளிக்க வேண்டும்.

ஆக மொத்தம் அனைத்து படிவங்கள், அட்டெஸ்ட் பண்ணப்பட்ட சான்றிதழ்கள், மணமக்கள், இரு சாட்சிகள் ஆகியவைகள் ரெடி தானே.. வாங்க செல்லுவோம் சார் பதிவாளர் அலுவலகத்திற்கு.

அனைத்தையும் சார் பதிவாளர் அவர்களிடம் கொடுத்து விபரம் கூறவும்.

அவர் அனைத்தையும் அலுவலகம் உள்ளே இருக்கும் அம்மணியிடம் கொடுக்கசொல்லுவார்.

உள்ளே சென்று அங்கு இருக்கும் அம்மணியிடம் கொடுத்தால், நான் இல்லைங்க. அந்த அம்மணி இன்று விடுமுறை, நாளை வாங்க என்று கூலாக சொல்லிவிடுவார்.

சரி, நாளைக்கு படை எடுப்போம்.

டென்ஷன் வருதா.. ஸ்ஸ்ஸ்... அப்படி எல்லாம் வரப்புடாது.

அரசாங்க காரியம் என்றால் நீங்கள் அடிமை என்று தான் கருதிக்கொள்ளனும். ரூல்ஸ் அதிகம் பேசினால் அம்புட்டுதான். அலைய விட்டுவிடுவார்கள்.

அது சரி இல்லை, இது சரியில்லை. இதில் "க்" கன்னா இல்லை, இதில் "கு" னா இல்லை, அட்டெஸ்ட் சரியில்லை, போட்டோ கிளியர் இல்லை, இந்த மையால் எழுதக்கூடாது.. இப்படி பல வழிகளில் நம்மை ஆப்பு அடித்து விடுவார்கள்.

சரி.. பீஸ் அதான் கட்டணம் விபரம் என்னவா..!

* திருமணம் நடைபெற்ற தேதியிலிருந்து 90 நாள்களுக்குள், திருமணத்தைப் பதிவு செய்ய வேண்டும். பதிவுக்கான கட்டணம் 100 ரூபாய்.

• 90 நாள்களுக்குள் திருமணத்தைப் பதிவு செய்ய முடியாதவர்கள், அடுத்த 60 நாள்களுக்குள் கூடுதல் கட்டணம் செலுத்தி (ரூபாய் 150), பதிவு செய்து கொள்ள வேண்டும்.

உங்களுக்கு கூடுதல் காப்பி வேண்டும் என்றால், ஒவ்வொரு காப்பிக்கும் பத்து ரூபாய் கூடுதல் கொடுக்கனும்.

OK...அடுத்த நாள் அந்த அம்மணி இருக்கின்றார்களா என்று பார்த்து விட்டு, படை எடுங்கள்.

நீங்கள் பதிவு செய்ய செல்லும்போது உங்களுடைய ஒரிஜினல் அடையாள அட்டையை கொண்டு செல்லனும். ஐயா அவர்கள் சரி பார்ப்பார்கள்.

உங்களின் அனைத்து விபரங்களும் சரிபார்க்கப்பட்டு, கையழுத்து, கைநாட்டு வாங்கப்பட்டு விட்டால், முதல் கண்டம் தாண்டி விட்டீர்கள் என்று அர்த்தம்.

பலர் ஆறு ஏழு முறை படை எடுத்தவர்களும் உண்டு. பலர் ஏன் திருமணம் பண்ணினோம் என்று நொந்தவர்களும் உண்டு. திருமணம் ஈசி ஆக நடந்து விடும், பதிவு செய்வதற்கு தாவு தீர்ந்து விடும். சோ.. இரண்டாம் திருமணம் செய்ய நினைப்பவர்கள் கொஞ்சம் உஷார்..

சரி.. அடுத்து இரண்டாம் கட்டம்.

நாங்கள் திருமணத்தை பதிவு செய்து, மூன்று காப்பிகள் வேண்டும் என்று கூறினோம். ஆக மொத்த கட்டணம் எவ்வளவு சொல்லுங்க. கரெக்ட்.. 130 ரூபாய். ஆனால் அங்குள்ள உதவியாளர் 480 ரூபாய் கட்டணம் கேட்டார்.

என்னப்பா.. கணக்கு உதைக்கின்றது..

(என் மச்சான் B.Com., A.C.A, படித்து பெரிய நிறுவனத்தில் ஆடிட்டராக இருக்கின்றார். அவரும் வந்து இருந்தார். அவருக்கே இந்த கணக்கு தலையை சுற்றி விட்டது.)

- இல்லைங்கையா.. நாங்க ஆபிசில் 7 நபர்கள் இருக்கின்றோம். என்றார்.

- சரி.. இருந்துட்டு போங்க.. கணக்கு உதைக்கின்றதே.

- ஆங்ங்ங்ங்.. கட்டணம் 130 தான், எங்களுக்கு தலைக்கு 50 ரூபாய்.

இதை லஞ்சம் என்று சொல்லலாமா..!! அய்யய்யோ அப்படி எல்லாம் சொல்லப்புடாது...பாவம் அல்லவா. லஞ்சம் புரையோடி, லஞ்சம் அங்கீகரிக்கப்பட்ட, தவறாகவே தெரியாத ஒரு அரசாங்க துறை என்றால், அது கண்டிப்பாக பத்திர பதிவுத்துறை (சார் பதிவாளர் அலுவலகம்) தான்.

சரி.. விசயத்திற்கு வருவோம்.

நான் கடைசி வரை கொடுக்க மாட்டேன் என்று கூறிவிட்டேன்.

கடைசியில், மருமகன் அவர் டீ குடிக்க காசு தாங்களேன் என்றதால், ஒரு 80 ரூபாய் கொடுத்தானாம். ஆமாம். டீ விலை 80 ரூபாய்.

இனி, அவர்கள் கூறும் நாளில் சென்று (குறைந்தது ஒரு வாரம்), புரூப் பார்த்துவிட்டு, தவறுகள் இருந்தால் திருத்தி, அவர்கள் மீண்டும் கூறும் நாளில் சென்று உங்களுடைய கட்டாய திருமண பதிவு சான்றிதழ்களை பெற்று வாருங்கள்.

இன்னும் ஒரு விசயம் உள்ளது.. குறிப்பிட்ட தேதிக்குள் திருமணத்தைப் பதிவு செய்யவில்லை என்றால், அது சட்டப்படி குற்றம். தண்டனையும் உண்டு. நோ டென்ஷன்...தண்டனை அதிகம் இல்லை ஜென்டில் மேன்.. தண்டனை 1000 ரூபாய் அபராதம் மட்டுமே.

இன்ஷா அல்லாஹ்.. மீண்டும் சந்திக்கலாம் அன்பு சொந்தங்களே.

சாளை S.I.ஜியாவுத்தீன்

Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 

செய்திகள்

அரசு மருத்துவமனை வளாகத்தில் ‘இயற்கையைத் தேடி’ மூலிகைத் திருவிழா! 3 நாட்கள் நடைபெற்ற விழாவில் மாணவ-மாணவியர் உட்பட திரளானோர் பங்கேற்பு!!
அபூதபீ கா.ந.மன்றம் ஆக. 19இல் நடத்தும் முதலுதவி விழிப்புணர்வு & பயிற்சி முகாமில் பங்கேற்க இணையதளம் வழியே பெயர் பதிவு செய்யலாம்!
ஆக. 19 அன்று அபூதபீ கா.ந.மன்றம் & ஷிஃபா நடத்தும் முதலுதவி விழிப்புணர்வு & பயிற்சி முகாமில் பங்கேற்க ஆன்லைனில் பெயர் பதிவு செய்ய வசதி!
ஆக. 19 அன்று, காயல்பட்டினம் நகர மக்களுக்கு மருத்துவ சேவையாற்றிய மருத்துவர்களுக்கு “நடப்பது என்ன?” குழுமம் சார்பில் பாராட்டு விழாவில் கவுரவிக்கப்படும் மருத்துவர்கள் விபரம்!
அமெரிக்காவில் மீண்டும் ஒரு காயல் மாணவி ‘ஹாஃபிழத்துல் குர்ஆன்’
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை

feed-imageFeed Entries

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com