بسم الله الرحمن الرحيم
Wednesday 20th September 2017 | 28 துல்ஹஜ் 1438AH
பதாகை
news menu left
news menu right

பதாகை

பதாகை

  • Google Bookmarks
  • Twitter
  • Windows Live
  • Facebook
  • MySpace
  • deli.cio.us
  • Digg
  • Newsvine
  • reddit
  • StumbleUpon
  • Yahoo! Bookmarks
  • Yigg
வரிந்துக் கட்டிக்கொண்டு.. கட்டுரை!!அச்சிடுகமின்-அஞ்சல்
24 ஜூன் 2016 மாலை 08:37

 ரமளானின் இறுதி பகுதியை நாம் அடைந்து விட்டால் பெருநாளை குதூகலத்துடன் கொண்டாடுமுகமாக பட்டாடைகளையும், புத்தாடைகளையும், வாங்கி குவிப்பதிலும் , வாங்கிய ஆடைகளில் மனம் திருப்தியடையாத நிலையில் அதனை மாற்றி வேறு ஆடைகளை தெரிவு செய்வதிலும், பல்சுவை உணவுகளை தயாரிக்கத் தேவையான பொருட்களை, வரிந்து கட்டிக் கொண்டு சேகரிப்பதில் கடைகளிலும், கடைவீதிகளிலும் நமது நேரம் விரயமாவதைக் காணலாம்.

இந்த நிலையிருந்து முற்றிலும் மாறுபட்ட நிலையில் அல்லாஹ்வுடைய தூதர் (ஸல்) அவர்கள் ரமளானின் கடைசி பத்து நாட்கள் வந்து விட்டால் மூன்று விடயங்களைச் செய்வார்கள்.

1.தான் இரவில் விழித்து இருப்பார்கள்.

2.தன் குடும்பத்தவர்களை விழிக்கச் செய்வார்கள்.

3.தனது கீழாடையை வரிந்து கட்டிக் கொள்வார்கள்.

என அன்னை ஆயிஷா (ரலி) அவர்கள் அறிவிக்கிறார்கள். (புஹாரி - 2024. முஸ்லிம் : 1174)

நபிகள் நாயகம் (ஸல்) ஏன் தனது கீழாடையை வரிந்து கட்டிக்கொள்ள வேண்டும்?

இரவில் நீண்ட நெடிய நேரம் இறைவனை நின்று வணங்கும் போது, தனது கீழாடை தளர்ந்து வணக்க வழிபாட்டில் இடையூறு ஏற்பட்டு விடாமல் இருக்கவே அதனை இறுகக் கட்டி, தன்னை தயார்படுத்தியிருக்க வேண்டும்.

நபிகள் நாயகம் (ஸல்) அவர்கள் வணக்கம் புரிய ரமளான் அல்லாத மற்ற காலங்களில் எடுக்காத முயற்சியை ரமளானில் முயற்சிப்பார்கள். மேலும் ரமளானின் மற்ற நாட்களில் எடுக்காத முயற்சியை விட கடைசி பத்து நாட்களில் முயற்சிப்பார்கள். (முஸ்லிம் :1175)

அல்லாஹ்வுடைய தூதர் (ஸல்) அவர்கள் கடைசி 10 நாட்களிலும் அதிக சிரத்தை எடுத்து அல்லாஹ்வின் அருளை நாடி வணக்க வழிபாடுகளில் அதிகமதிகம் ஈடுபடக்காரணம் என்ன?

அந்த நாட்களுக்கு அல்லாஹ் எத்தகைய சிறப்பை வழங்கியுள்ளான் என்பதை நோக்கும் போது, திருமறை குர் ஆன் நமக்கு விடையளிக்கிறது.

அல்லாஹ் கூறுகின்றான், நிச்சயமாக! லைலத்துல் கத்ரில் இதனை (குர் ஆனை) நாம் இறக்கி வைத்தோம். அந்த கண்ணியமிக்க இரவு என்னவென்று உமக்குத் தெரியுமா? அந்த கண்ணியமிக்க இரவு 1000 மாதங்களை விடச் சிறந்ததாகும். மலக்குகளும் ஜிப்ரயில் (அலை) அவர்களும் தங்களின் இரட்சகனின் கட்டளையை கொண்டு சகல காரியங்களின் பொருட்டும் (பூமியில்) இறங்குகின்றனர் . இந்த இரவு சாந்திமிக்கது. அது காலைப்பொழுது உதயமாகும் வரை (நீடிக்கும்) (அல் -குர்ஆன் 97: 1-5)

அப்படியென்றால் 1000 மாதங்களை விடவும் சிறப்புமிக்க ஓர் இரவை நாம் எப்படி அடைந்து கொள்வது ? நபிகள் நாயகம் (ஸல்) அவர்கள் நமக்கு வழிகாட்டுகிறார்கள்.

அன்னை ஆயிஷா (ரலி) அவர்கள் அறிவிக்கிறார்கள்,

" ரமளானில் கடைசி பத்து நாட்களில் ஒற்றைப்படை இரவுகளில் லைலத்துல் கத்ரை தேடுங்கள்" என நபி (ஸல்) அவர்கள் கூறினார்கள் . (புஹாரி: 2017)

அந்த மகத்துவம் மிக்க இரவில் வணக்க வழிபாட்டில் இணைந்திருப்பவரின் நன்மையை பாருங்கள். அபூ ஹுரைரா (ரலி) அவர்கள் அறிவிக்கிறார்கள், இறை நம்பிக்கையுடனும், நன்மையை நாடியும் ஒருவர் லைலத்துல் கத்ர் இரவில் வணங்கினால் அவரின் முன் பாவங்கள் மன்னிக்கப்படும் என நபி (ஸல்) அவர்கள் கூறினார்கள். (புஹாரி : 2014 முஸ்லிம் : 760)

இத்தகைய சிறப்புக்களைக் கொண்ட கடைசி 10 நாட்களில் நபிகள் நாயகம் (ஸல்) அவர்கள் இறை இல்லத்தில் இஃதிகாப் இருப்பார்கள், இல்லறத்தொடர்பை நிறுத்திக்கொள்வார்கள். (புஹாரி : 2020/2024)

இரவில் நபிகள் நாயகம் (ஸல்) தங்கள் பாதங்கள் வீங்கும் அளவுக்கு நின்று வணங்குவார்கள். இதனை கண்ணுற்ற அன்னை ஆயிஷா (ரலி) அவர்கள் இறைத்தூதர் அவர்களே! உங்கள் முன் பின் பாவங்கள் உங்களுக்கு மன்னிக்கப்பட்ட நிலையில் இப்படி ஏன் வணங்குகிறீர்கள்? என்று கேட்ட போது அல்லாஹ்வுக்கு நன்றியுள்ள அடியானாக நான் இருக்க வேண்டாமா? என்று நபிகள் நாயகம் (ஸல்) அவர்கள் பதிலளித்தார்கள் (புஹாரி : 4837)

சற்றே சிந்தித்துப் பாருங்கள் !.நாம் எந்த அளவுக்கு அல்லாஹ்வுக்கு நன்றியுள்ள அடியானாக இருக்கிறோம்? என்பதனை முன் பின் பாவங்கள் மன்னிக்கப்பட்ட, இறைவேதம் அருளப்பட்ட, சிறப்புக்குரிய அல்லாஹ்வின் தூதரே இப்படி வரிந்து கட்டிக் கொண்டு நன்மையில் முந்திச் செல்வார்கள் என்றால், நாளும் - பொழுதும், பாவத்தில் உழழும் சாதாரண மனிதர்களான நமது நிலை எவ்வாறானது ? மிகவும் கவலைக்குரியதல்லவா ?

நம்மை நாம் சீர்திருத்திக் கொள்ள வல்ல நாயன் நமக்கு வழங்கிய மிகப் பெரும் அருட் கொடையாக இந்த ரமளான் நம்மிடம் வந்துள்ளது. நம் வாழ்நாளில் எத்தனை எத்தனையோ ரமளானை, அதன் இரவுகளை, அடைந்தும் பிரிந்தும் இருக்கிறோம். ஆனால் என்ன பயன்? ஒருமுறை நபிகள் நாயகம் (ஸல்) அவர்கள் மிம்பர் படிகளில் ஏறும் போது ஜிப்ரயில் (அலை) அவர்கள் " யார் ஒருவன் ரமளானை அடைந்து அதன் பலனை அடைய வில்லையோ அவன் நாசமாகட்டும் என்று கூறினார்கள். நாம் இறைவனின் சாபத்துக்குரியவர்களா ? அல்லது ரஹ்மத்துக்குரியவர்களா? என்று ஆழமாக சிந்திக்க வேண்டாமா?

நம்மை பொறுத்தளவில், சுமார் 60 வருட கால இந்த அற்ப உலக வாழ்வுக்காக பொருளாதாரத்தை ஈட்டிட எத்தனை இரவுகளும் கண்விழித்து உழைத்திட தயாராக இருப்போம். ஒரு நிறுவன உரிமையாளர் அவரிடம் பணி புரியும் நம் ஒருவரிடம் "10 இரவுகள் மட்டும் நீங்கள் கண்விழித்திருந்து வேலை செய்தால், அதற்கு கூலியாக 83 வருடத்திற்குரிய ஊதியத்தையும் உங்களுக்கு சன்மானமாக தந்திடுவேன்" என்கிறார். இப்போது நமது முயற்சி எப்படி இருக்கும்? அதற்காக எத்தகைய தியாகத்தையும் செய்வோம் அல்லவா?

ஆனால் கண் விழித்து கடைசி இரவுகளில் வணங்கிடுங்கள் அதன் மூலம் 1000 மாதங்களை விடவும் சிறப்பான லைலத்துல் கத்ர் எனும் மகத்துவமிக்க இரவினை அடைந்து 83 வருடங்கள் வணக்கம் புரிந்த நன்மையினை பெற்றுக் கொள்ளுங்கள் என நம்மை படைத்து பரிபாளிக்கும் ரப்பு, நம் மீது இரக்கதுடன் சொல்கிறான். நாமோ மறுமை வாழ்வுக்காக வெறும் 10 இரவுகள் கூட தூக்கத்தை தொலைக்கத் தயாரில்லை. அப்படினால் நம்மை விட நஷ்டவாளி யார் இருக்க முடியும்.?

நன்மைகள் பூத்துக்குலுங்கும் இந்த பொன்னான கடைசி இரவுகளில் கடை வீதிகளில் தட்டழிந்து திரிவதிலும், தெரு முனைகளிலும், திறந்த வெளிகளிலும், சங்கங்களிலும், சாலைகளிலும், ஒன்றுகூடி வீண் விளையாட்டு வேடிக்கையிலும் ஈடுபட்டு முற்றிலும் தடுக்கப்பட்ட பாவமான வீண் பேச்சுக்களைப் பேசுவதிலும், நேரங்களை கழித்திடாமல், நபிகளாரின் முன் மாதிரியை பற்றிப் பிடித்து வணக்க வழிபாடுகளிலும், சங்கை மிகு அல்குர் ஆனை அதிகமதிகம் ஒதுவதிலும், புரிவதிலும், நடைமுறைப் படுத்துவதிலும், பரப்புவதிலும், இஃதிகாப் இருப்பதிலும், இஸ்திஃபார் கேட்பதிலும் நாம் திளைத்திருத்தல் வேண்டும்.

அத்தோடு நபிகளார் காட்டித் தராத அனைத்து சடங்கு சம்பிரதாயங்களிலிருந்தும் பித்அத் களிலிருந்தும் முற்றாக விடுபட வேண்டும். நிச்சயமாக இதன் மூலம் மட்டுமே நாம் அல்லாஹ்வின் பொருத்தத்தை பெற்றுக் கொள்ளமுடியும்.

குறிப்பாக ஒவ்வொரு நிலையிலும் அதாவது நடந்த நிலையிலும், உட்கார்ந்த நிலையிலும், குனிந்த நிலையிலும், நிமிர்ந்த நிலையிலும், சிரம்பணிந்த நிலையிலும், படுக்கையில் சாய்ந்த நிலையிலும் படைத்த ரப்பை புகழ்ந்து, துதி செய்து, அவனிடமே பாவ மன்னிப்பு கேட்பவர்களாக நம்மை நாம் பண்படுத்திக் கொள்ள வேண்டும் .

அல்லாஹ் - ஒவ்வொரு நாளும் பின்னிரவில் முதலாவது வானத்திற்கு வந்து என்னிடம் பிரார்த்தனை புரிந்து பிழை பொறுக்கத் தேடுபவர் யாரும் இல்லையா ? அப்படி பிரார்த்திப்பவரின் பிரார்த்தனைகளை ஏற்பதற்கு நான் தயாராக இருக்கிறேன் என்று நம்மை நோக்கி அழைப்பு விடுக்கின்றான்.இருந்த போதிலும், அந்த பொன்னான வேளையில், ஒன்று நாம் ஆழ்ந்த உறக்கத்தில் இருப்போம். அல்லது விழித்திருப்போம். ஆனால் வீணான வேலைகளில் நம்மை நாம் தொலைத்திருப்போம்.

இந்த ரமளானில் உயிரோடு இருப்பவர்கள் அடுத்த ரமளானிலும் இருப்போம் என்பது கேள்விக்குறி?

ஒவ்வொரு நொடியும் மரணம் நம்மை நெருங்கி வந்து கொண்டிருக்கிறது.எந்த மனிதனும் அறியமாட்டார், தனது உயிர் எந்த நேரம் பறிக்கப்படும் என்பதை .எனவே பரக்கத் சொறிந்த ரமளான் இரவுகளின் ஒவ்வொரு நொடிப்பொழுதையும் வீணடித்திடாமல் வரிந்து கட்டிக் கொண்டு நல் அமல்களில் ஈடுபடுவதன் மூலம் மறுமையில் அளப்பரிய நன்மைகளை நாம் அனைவரும் பெற்றிடலாம். இன்ஷா அல்லாஹ்.

அல்லாஹ்வின் அழைப்பு உண்மையானது ! சத்தியமானது !

அதனை பொருட்படுத்தாத - அதற்கு கட்டுப்படாத நிலையில், ஒவ்வொரு நொடியும் மரணம் நம்மை நோக்கி மிக வேகமாக நெருங்கி வந்து கொண்டே இருக்கிறது.

கட்டுரை ஆக்கம் : ஹாஜி எஸ்.ஐ.புஹாரி

மறுபதிப்பு 

Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 

செய்திகள்

காயல்பட்டினம் அரசு மருத்துவமனையின் மூன்றாவது மருத்துவராக டாக்டர் SM ஹமீது ஹில்மி பணியில் இணைந்தார்! சுகாதாரத்துறையின் முதன்மை செயலர், DMS இயக்குனர் ஆகியோருக்கு நடப்பது என்ன? குழுமம் நன்றி!!*
அக். 03இல் நடைபெறும் குருதிக்கொடை முகாமில் பங்கேற்க 3 வழிகளில் முன்பதிவு செய்யலாம்! “நடப்பது என்ன?” குழுமம் அறிவிப்பு!!
வாவு வஜீஹா வனிதையர் கல்லூரியில் 05.09.17, 06.09.17, 07.09.17 ஆகிய மூன்று தினங்களும் தொழில் முனைவோர் மையம் மற்றும் நுகர்வோர் மன்றம் இணைந்து கல்லூரி சந்தை நடத்தியது!
பப்பரப்பள்ளி பகுதியில் துர்வாடை! மழைக்காலத்திற்கு முன் பராமரிப்புப் பணிகள் செய்வதால் ஏற்பட்டதாக “நடப்பது என்ன?” குழுமத்திடம் நகராட்சி தகவல்!
SDPI கட்சி மற்றும் நிலத்தடி நீர் பாதுகாப்பு இயக்கத்தின் ஒருங்கிணை!ப்பில் நிலத்தடி நீரை பாதுகாக்க தூத்துக்குடியில் போராட்டம்

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com