மாம்பழம் என்றாலே எல்லாருக்கும் பிடித்த ஒரு பழம். ஒரு ஸ்வீட் வடிவில் சாப்பிட்டால் எப்படி இருக்கும்? வாங்க செய்யலாம் எளிமையான மாம்பழ ஃபிர்னி !

தேவையானவை

பால் - 1/2 லிட்டர்

முந்திரி, பாதாம், பிஸ்தா - தலா 5 to 6

சீனி - தேவைக்கு

குங்குமப்பூ- சிறிது

ஏலக்காய் - 3 தட்டியது

ரவை - 3 டேபிள் ஸ்பூன்

மாம்பழ கூழ் - 1 கப்

மாம்பழம் - சிறிதாக நறுக்கியது

நட்ஸ் - அலங்கரிக்க

செய்முறை விளக்கம்

• பாலை நன்றாக காய்ச்சவும். ஏலக்காய் மற்றும் குங்குமப்பூ சேர்க்கவும்.
• முந்திரி நீங்கலாக மற்ற நட்ஸ்களை வெந்நீரில் போட்டு தோல் நீக்கி நல்ல மைபோல் விழுதாக அரைத்தெடுத்து பாலில் சேர்த்து மேலும் கொஞ்ச நிமிடங்கள் காய்ச்சவும்.
• சுவைகேர்ப்ப சீனி சேர்க்கவும்.
• இன்னொரு பேனில் சிறிது நெய்விட்டு ரவையை லேசாக வறுத்தெடுக்கவும்.
• இப்பொழுது பால் கலவையில் இந்த வறுத்த ரவையை சேர்த்து கட்டி தட்டாமல் கிளறிக்கொண்டே இருக்கவும்.
• அடுப்பை சிறு தீயில் வைக்கவும்.
• பாலும் ரவையும் சேர்ந்து ஓரளவு திக்காக வரும் நேரத்தில் அடுப்பை அனைத்துவிடவும்.
• இப்பொழுது பால் கலவையை ஆற விடவும்.
• வெதுவெதுப்பான தன்மையில் இருக்கும்போது மாம்பழ கூழ் சேர்த்து நன்றாக கலக்கவும்.
• கடைசியாக நறுக்கிய மாம்பழ துண்டங்கள் மற்றும் நட்ஸ் பரப்பி அலங்கரிக்கவும்.
• இப்போது மாம்பழ ஃபிர்னி ரெடி! விருப்பபட்டால் குளிரூட்டி சாப்பிடலாம்.

குறிப்பு:

மாம்பழ கூழ் ஹோம்மேட் அல்லது ரெடிமேட் பயன்படுத்தலாம். நட்ஸ் வகை ஏதாவது ஒன்று இருந்தாலும் பயன்படுத்தலாம். குங்குமப்பூ இருந்தால் சேர்க்கலாம். கட்டாயமில்லை. ஃபிர்னி மிகவும் இறுக்கமாகவோ இலக்கமாகவோ இருக்கக்கூடாது. மாம்பழம் சேர்க்காமல் சாதாரண ஃபிர்னியாகவும் செய்யலாம்.

வழங்கியவர்: உம்மு ரஹீஃபா