بسم الله الرحمن الرحيم
Friday 14th December 2018 | 05 ரபீஉல் ஆஹிர் 1440AH
பதாகை
news menu left
news menu right

பதாகை

பதாகை

  • Google Bookmarks
  • Twitter
  • Windows Live
  • Facebook
  • MySpace
  • deli.cio.us
  • Digg
  • Newsvine
  • reddit
  • StumbleUpon
  • Yahoo! Bookmarks
  • Yigg
தைக்கா பள்ளிக்கூடத்தின் பழுதடைந்த பழைய கட்டிடத்தை இடித்தகற்ற மாவட்ட ஆட்சியர் உத்தரவு! “நடப்பது என்ன?” பெண் நிர்வாகிகளின் முயற்சிகளைத் தொடர்ந்து நடவடிக்கை!!அச்சிடுகமின்-அஞ்சல்
06 செப்டம்பர் 2017 காலை 09:06

நடப்பது என்ன?” குழுமத்தின் பெண் நிர்வாகிகளது தொடர் முயற்சிகளைத் தொடர்ந்து, காயல்பட்டினம் தைக்கா பள்ளியின் பழைய – பழுதடைந்த கட்டிடத்தை இடித்தகற்றிட – தூத்துக்குடி மாவட்ட ஆட்சியர் உத்தரவிட்டுள்ளார். இதுகுறித்த செய்தியறிக்கை:- 

காயல்பட்டினம் தைக்கா தெருவில், ஸாஹிப் அப்பா தைக்கா கொடிமரத்திற்கு மேற்கே – “தைக்கா பள்ளிக்கூடம்” என்றழைக்கப்படும் ஊராட்சி ஒன்றிய துவக்கப் பள்ளி (தற்போது நடுநிலைப் பள்ளி) இயங்கி வந்தது. சில ஆண்டுகளுக்கு முன் அது சிவன்கோவில் தெருவில் புதிய கட்டிடத்தில் இயங்கத் துவங்கியதையடுத்து, இந்த பழைய கட்டிடம் செயல்பாடற்றுக் கிடந்தது. 

இதன் காரணமாக அக்கட்டிடம் - சமூக சீர்கேடுகள் தொடர்ந்து நடைபெறும் இடமாக உள்ளதாக அப்பகுதி மக்கள், “நடப்பது என்ன?” சமூக ஊடகக் குழுத்தின் பெண்கள் பிரிவு நிர்வாகிகளிடம், கடந்த சில மாதங்களுக்கு முன்பு முறையிட்டிருந்தனர். 

அதனை தொடர்ந்து களமிறங்கிய “நடப்பது என்ன?” குழுமத்தின் பெண்கள் பிரிவு நிர்வாகிகள், அப்பகுதியைச் சேர்ந்த நூற்றுக்கும் மேற்பட்ட மக்களிடம் - அக்கட்டிடத்தை இடித்தகற்றிட வலியுறுத்தி கைச்சான்றுகளைப் பெற்றனர். அவற்றுடனான மனு - சென்னை, தூத்துக்குடி, திருச்செந்தூர் ஆகிய இடங்களிலுள்ள - இது தொடர்பான அனைத்து அதிகாரிகளுக்கும் வழங்கப்பட்டது. அதனையடுத்து, அதிகாரிகளும் அவ்விடத்தைப் பார்வையிட்டு, தங்கள் பரிந்துரையை மாவட்ட ஆட்சியரிடம் வழங்கினர். 

[மேலேயுள்ள படங்கள்: கோப்பு]

இவ்வாறிருக்க, பழுதடைந்த அக்கட்டிடத்தை இடித்தகற்றிட, தூத்துக்குடி மாவட்ட ஆட்சியர் என்.வெங்கடேஷ் IAS, கடந்த ஆகஸ்ட் 23 அன்று உத்தரவு பிறப்பித்துள்ளார். மேலும் - அந்நிலத்தில் ஆக்கிரமிப்புகள் ஏற்படாமல் இருக்க சில வழிமுறைகளையும் மாவட்ட ஆட்சியர் தெரிவித்துள்ளார். அவ்வாணையின் நகல் தற்போது பெறப்பட்டுள்ளது. 

அப்பகுதி மக்களின் நீண்ட நாள் கோரிக்கையான இக்கட்டிடத்தை அகற்றுவது குறித்து முழு முயற்சி எடுத்த “நடப்பது என்ன?” குழும பெண்கள் பிரிவு நிர்வாகிகளுக்கு, மனமார்ந்த நன்றியைத் தெரிவித்து கொள்கிறோம், எல்லாப்புகழும் இறைவனுக்கே! 

மேலும், இதற்கான உத்தரவைப் பிறப்பித்த மாவட்ட ஆட்சியர், கடந்த சில மாதங்களாக இது தொடர்பான முயற்சிகளைத் தொடர்ந்து எடுத்த தூத்துக்குடி & திருச்செந்தூர் ஊராட்சித் துறை அதிகாரிகள் அனைவருக்கும், இம்மனு மீது துரித நடவடிக்கை எடுக்க வலியுறுத்திய கல்வி & ஊரக வளர்ச்சித் துறை அரசு செயலர்களுக்கும் – “நடப்பது என்ன?” சமூக ஊடகக் குழுமம் தனது நெஞ்சார்ந்த நன்றியைத் தெரிவித்து மகிழ்கிறது. 

இவண், 
நிர்வாகிகள், 
நடப்பது என்ன? சமூக ஊடகக்குழுமம். 
இவ்வாறு அந்த அறிக்கையில் தெரிவிக்கப்பட்டுள்ளது.

Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை

feed-imageFeed Entries

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com