بسم الله الرحمن الرحيم
Tuesday 16th October 2018 | 05 ஸஃபர் 1440AH
பதாகை
news menu left
news menu right

பதாகை

பதாகை

  • Google Bookmarks
  • Twitter
  • Windows Live
  • Facebook
  • MySpace
  • deli.cio.us
  • Digg
  • Newsvine
  • reddit
  • StumbleUpon
  • Yahoo! Bookmarks
  • Yigg
அரசு மருத்துவமனை கட்டிடங்களைப் பார்வையிட சிறப்புக் குழுவை அனுப்புக! மருத்துவம் மற்றும் ஊரகப் பணிகள் துறை இயக்குநர் (DMS) இடம் “நடப்பது என்ன?” குழுமம் கோரிக்கை!!அச்சிடுகமின்-அஞ்சல்
20 நவம்பர் 2017 காலை 11:06

காயல்பட்டினம் அரசு மருத்துவமனை கட்டிடங்களைப் பார்வையிட சிறப்புக் குழுவை அனுப்பி வைக்கக் கோரி, “நடப்பது என்ன?” சமூக ஊடகக் குழுமம் சார்பில், சென்னையிலுள்ள - தமிழக அரசின் மருத்துவம் மற்றும் ஊரகப் பணிகள் துறை இயக்குநர் (DMS) டாக்டர் இன்பசேகரனிடம் நேரில் கோரிக்கை மனு அளிக்கப்பட்டுள்ளது. இதுகுறித்த செய்தியறிக்கை:- 

காயல்பட்டினம் அரசு மருத்துவமனையை மேம்படுத்த - தமிழக அரசிடம், கடந்த ஓர் ஆண்டிற்கு மேலாக, நடப்பது என்ன? குழுமம் தொடர்ந்து பல்வேறு கோரிக்கைகளை வைத்துவருகிறது. 

அதன் தொடர்ச்சியாக, இன்று (15-11-2017) சென்னையில் மருத்துவத்துறை இயக்குனர் (DMS) டாக்டர் எம்.ஆர்.இன்பசேகரனிடம் - பல்வேறு கோரிக்கைகள் - நடப்பது என்ன? குழுமம் சார்பாக - வழங்கப்பட்டன. 

2 ஏக்கருக்கும் மேலான இடத்தில் அமைந்துள்ள அரசு மருத்துவமனையின் பல்வேறு கட்டிடங்கள் மிகவும் பழுதடைந்த நிலையில் உள்ளன. ஆண்கள் வார்டு கட்டிடத்தின் முகப்பு கூரை - சில தினங்களுக்கு முன்பு கீழே விழுந்துள்ளது. 

இம்மருத்துவமனையில் உள்ள பல்வேறு கட்டிடங்கள், பல ஆண்டுகளுக்கு முன்பு கட்டப்பட்டவை என்பதை கருத்தில் கொண்டு - ஒரு குழுவினை அனுப்பி, இக்கட்டிடங்களின் ஸ்தரத்தன்மை ஆய்வு செய்யப்படவேண்டும் என்றும், நவீன வசதிக்கொண்ட புதிய மருத்துவமனை காயல்பட்டினத்தில் உருவாக்கப்படவேண்டும் என்றும் கோரிக்கை வைக்கப்பட்டது. 

காயல்பட்டினம் அரசு மருத்துவமனையில் - தற்போது நிரந்தர ஆய்வக தொழில்நுட்ப வல்லுனர் (LAB TECHNICIAN) கிடையாது; நிரந்தர மருந்தாளுனர் (PHARMACIST) கிடையாது. துப்புரவு பணியாளர்கள் 5 இடங்களுக்கு ஒப்புதல் இருந்தும், இருவர் மட்டுமே பணியில் உள்ளனர். எனவே - இக்காலியிடங்களை உடனடியாக நிரப்பக்கோரி மனு வழங்கப்பட்டது. 

காயல்பட்டினம் அரசு மருத்துவமனையில் உள்ள XRAY மற்றும் ULTRA SOUND கருவிகள் மிகவும் பழமை வாய்ந்தவை; நவீன கருவிகள் உடனடியாக அரசு மருத்துவமனைக்கு வழங்கப்படவேண்டும். மேலும் - பிணவறையில் குளிர்பெட்டி இல்லை; இந்த தேவையையும் உடனடியாக பூர்த்தி செய்யவேண்டும் என்ற கோரிக்கையும் நடப்பது என்ன? குழுமம் சார்பாக வைக்கப்பட்டது. 

கடந்த ஓர் ஆண்டாக - காயல்பட்டினம் அரசு மருத்துவமனையில், பணிக்கு வராத மருத்துவர் டாக்டர் ஹேமா லதா இடம் காலியென அறிவிக்கப்பட்டு, நான்காவது மருத்துவர் - மகப்பேறு மருத்துவராக (DGO) நியமனம் செய்யப்படவேண்டும் என்ற கோரிக்கையும், மருத்துவத்துறை இயக்குனர் மருத்துவர் எம்.ஆர். இன்பசேகரனிடம் வைக்கப்பட்டது. 

காயல்பட்டினம் அரசு மருத்துவமனையை அதிகமான மக்கள் பயன்படுத்தினால், வசதிகள் மேம்ப்படுத்தப்படும் என கடந்த வாரம், நடப்பது என்ன? குழுமத்திற்கு - DMS டாக்டர் இன்பசேகரன் - கடிதம் அனுப்பியிருந்தார் என்பது குறிப்பிடத்தக்கது. 

இவண், 
நிர்வாகிகள், 
நடப்பது என்ன? சமூக ஊடகக்குழுமம். 
[மக்கள் உரிமைநிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்] 

[பதிவு: நவம்பர் 15, 2017; 8:30 pm] 
[#NEPR/2017111501] 

இவ்வாறு அந்த அறிக்கையில் தெரிவிக்கப்பட்டுள்ளது.

Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை

feed-imageFeed Entries

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com