بسم الله الرحمن الرحيم
Tuesday 22nd May 2018 | 07 ரமலான் 1439AH
பதாகை
news menu left
news menu right

பதாகை

பதாகை

  • Google Bookmarks
  • Twitter
  • Windows Live
  • Facebook
  • MySpace
  • deli.cio.us
  • Digg
  • Newsvine
  • reddit
  • StumbleUpon
  • Yahoo! Bookmarks
  • Yigg
அனுமதியின்றி இயங்கி வரும் DCW அமிலக் கழிவு தொழிற்சாலையை மூடுக! மாவட்ட ஆட்சியரிடம் “நடப்பது என்ன?” குழுமம் கோரிக்கை!!அச்சிடுகமின்-அஞ்சல்
25 ஏப்ரல் 2018 காலை 12:23

அரசின் முறையான அனுமதியின்றி இயங்கி வரும் DCW அமிலக் கழிவு தொழிற்சாலையை மூடக் கோரி, காயல்பட்டினம் “நடப்பது என்ன?” சமூக ஊடகக் குழுமம் சார்பில், தூத்துக்குடி மாவட்ட ஆட்சியரிடம் கோரிக்கை வைக்கப்பட்டுள்ளது.. இதுகுறித்த செய்தியறிக்கை:- 

DCW தொழிற்சாலை, காயல்பட்டினம் நகரில் 1958 ஆம் ஆண்டு துவக்கப்பட்டது. கடந்த 60 ஆண்டுகளாக, இத்தொழிற்சாலை வெளிப்படுத்திவரும் மாசுவால் - சுற்றுச்சூழல் பெரிய அளவில் பாதிக்கப்பட்டுள்ளது. பொதுமக்களும் - புற்றுநோய் உட்பட பல்வேறு நோய்களால் பாதிக்கப்பட்டுள்ளனர். 

காஸ்டிக் சோடா என்ற பொருளை உப்பில் இருந்து தயாரிக்க துவக்கப்பட்ட இந்த தொழிற்சாலை தற்போது பல்வேறு வேதியல் பொருட்களை தயாரிக்கிறது. இருப்பினும் - இந்த தொழிற்சாலையின் பல்வேறு பிரிவுகள் இயங்குவதற்கு மாசு கட்டுப்பாட்டு வாரியம் வழங்கிய அனுமதி காலாவிதியாகிவிட்டது. அதன் பிறகும் இத்தொழிற்சாலை இயங்கிவருகிறது. 

PVC என்ற பொருளை தயாரிக்க - தூத்துக்குடி துறைமுகம் வழியாக VCM என்ற பொருளை இந்நிறுவனம் இறக்குமதி செய்கிறது. செப்டம்பர் 2016 ஆம் ஆண்டே, தூத்துக்குடி துறைமுகத்தில் VCM யை சேமித்து வைக்க வழங்கப்பட்ட அனுமதி முடிந்துவிட்டது. இருப்பினும் அந்நிறுவனம், தூத்துக்குடி துறைமுகம் வழியாக - அப்பொருளை இறக்குமதி செய்து, சிவப்பு நிற லாரிகள் மூலம் - நெடுஞ்சாலை வழியாக, தொழிற்சாலைக்கு அத்திரவத்தை கொண்டு செல்கிறது. 

காஸ்டிக் சோடா பிரிவுக்கு 2016 ஆம் ஆண்டிற்கு பிறகு செயலாற்ற எந்த அனுமதியும், மாசு கட்டுப்பாட்டு வாரியம் வழங்கவில்லை. இருப்பினும் - அனுமதியே இல்லாமல், இப்பிரிவும் செயல்புரிந்து வருகிறது. 

இந்நிறுவனத்தின் இதர பிரிவுகளான PVC, SIOPP, COGEN POWER PLANT, CAPTIVE POWER PLANT ஆகியவற்றுக்கான அனுமதியும் சில தினங்களுக்கு முன்பு காலாவதியாகிவிட்டது. இருப்பினும் அப்பிரிவுகளும் தொடர்ந்து செயல்புரிந்து வருகின்றன. 

மேலும் - மாசு கட்டுப்பாட்டு வாரியம், ஏற்கனவே விதித்திருந்த நிபந்தனைகளான - சென்னை IIT மூலம் சுற்றுச்சூழல் ஆய்வுகள் மேற்கொள்ளப்படவேண்டும் மற்றும் மதிப்பிற்குரிய ஒரு மருத்துவ அமைப்பு மூலம் உடல்நல ஆய்வுகள் மேற்கொள்ளப்படவேண்டும் என்ற விதிமுறையும் செயல்படுத்தப்படாமலேயே, PVC மற்றும் CPVC பிரிவுகள் இயங்க - அனுமதி வழங்கப்பட்டுள்ளது. அவ்வாறு முறைக்கேடான வழியில் வழங்கப்பட்ட அனுமதியும் சில தினங்களுக்கு முன்பு காலாவதியாகிவிட்டது. 

எனவே - சுற்றுச்சூழலுக்கு பல்வேறு வகைகளில் கேடு விளைவித்துள்ள DCW தொழிற்சாலையை உடனடியாக மூடவேண்டும் என வலியுறுத்தி, இன்று தூத்துக்குடி மாவட்ட ஆட்சியர் திரு என்.வெங்கடேஷ் IAS இடம் மனு வழங்கப்பட்டது. 

இதே கோரிக்கையை வலியுறுத்தி - தமிழக அரசின் சுற்றுச்சூழல் துறையின் முதன்மை செயலர், தமிழ்நாடு மாசு கட்டுப்பாட்டு வாரியத்தின் தலைவர் ஆகியோரிடமும் - இன்று நடப்பது என்ன? குழுமம் சார்பாக மனு வழங்கப்பட்டது. 

இவண், 
நிர்வாகிகள், 
நடப்பது என்ன? சமூக ஊடகக் குழுமம். 
[மக்கள் உரிமை நிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்] 

[பதிவு: ஏப்ரல் 16, 2018; 7:00 pm] 
[#NEPR/2018041605] 

Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை

feed-imageFeed Entries

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com