بسم الله الرحمن الرحيم
Friday 21st September 2018 | 10 முஹர்ரம் 1440AH
பதாகை
news menu left
news menu right

பதாகை

பதாகை

  • Google Bookmarks
  • Twitter
  • Windows Live
  • Facebook
  • MySpace
  • deli.cio.us
  • Digg
  • Newsvine
  • reddit
  • StumbleUpon
  • Yahoo! Bookmarks
  • Yigg
தொகுதி நிதியில் இருந்து பல்வேறு பணிகளை மேற்கொள்ள திரு அனிதா ராதாகிருஷ்ணன் MLA இடம் நடப்பது என்ன? குழுமம் கோரிக்கை!அச்சிடுகமின்-அஞ்சல்
06 செப்டம்பர் 2018 மாலை 12:48

அன்புடையீர்,

இறைவனின் சாந்தியும், சமாதானமும் நம் அனைவர் மீதும் என்றென்றும் நிலவட்டுமாக!

சுமார் 45,000 மக்கள், 34,000 வாக்காளர்கள் கொண்ட காயல்பட்டினம் நகரம் - தூத்துக்குடி மாவட்டத்தின் மூன்றாவது பெரிய ஊர். மேலும் திருச்செந்தூர் சட்டமன்ற தொகுதி பகுதியில் - காயல்பட்டினம் தான் பெரிய ஊராகும். 12.5 சதுர கிலோமீட்டர் பரப்பளவு கொண்ட, இக்கடலோர ஊருக்கு என பல்வேறு தேவைகள் உள்ளன.

மாநில அரசாங்கம் - ஒவ்வொரு சட்டமன்ற உறுப்பினருக்கும், அவரின் தொகுதியின் தேவைகளை பூர்த்தி செய்ய - ஆண்டொன்றுக்கு 2 கோடி ரூபாய் ஒதுக்குகிறது. நடப்பு ஆண்டில் இது 2.5 கோடி என அதிகரிக்கப்பட்டுள்ளது. இந்த நிதியின் மூலம் - அத்தொகுதியின் அனைத்து பகுதி மக்களும், வளர்ச்சி திட்டங்கள் பெற விரும்புவர்.

சட்டமன்ற தொகுதியில் மிக பெரிய ஊர் என்ற அடிப்படையில் காயல்பட்டினத்திற்கு - திருச்செந்தூர் தொகுதி சட்டமன்ற உறுப்பினருக்கு ஒதுக்கப்பட்டுள்ள நிதி மூலம், அதிகளவில் பணிகள் நடைபெறவேண்டும் என காயல்பட்டினம் மக்கள் மத்தியில் எதிர்பார்ப்பு உள்ளது.

இருப்பினும் பிற பகுதி மக்களும் இதே எதிர்பார்ப்பில் இருப்பர் என்பதை கருத்தில் கொண்டு, திருச்செந்தூர் சட்டமன்ற தொகுதி வாக்காளர்கள் எண்ணிக்கையில், காயல்பட்டினம் வாக்காளர்கள் - 15 சதவீதம் என்பதால், மாநில அரசு - ஐந்தாண்டுகளில் ஒதுக்கும் குறைந்தது 12.5 கோடி ரூபாயில், 15 சதவீதமான, குறைந்தது 1.875 கோடி ரூபாய் - காயல்பட்டினம் நகர் பணிகளுக்கு ஒதுக்கிட கோரி - திருச்செந்தூர் சட்டமன்ற தொகுதி உறுப்பினர் திரு அனிதா ராதாகிருஷ்ணன் MLA அவர்களிடம் இன்று தூத்துக்குடியில் உள்ள தி.மு.க. மாவட்ட அலுவலகத்தில் கோரிக்கை மனு, நடப்பது என்ன? குழுமம் சார்பாக சமர்ப்பிக்கப்பட்டது. இந்த சந்திப்பின்போது தி.மு.க. நகரச்செயலாளர் ஜனாப் முத்து முஹம்மது உடனிருந்தார்.

WhatsApp_Image_2018-09-05_at_19.59.09

சட்டமன்ற உறுப்பினர் நிதியை எவ்வாறு பயன்படுத்தலாம் என தமிழக அரசு - மே 31, 2018 அன்று வெளியிட்ட அரசாணை எண் 72 (Rural Development and Panchayat Raj Department) விதிமுறைகள் அனுமதிக்கும் ஷரத்து எண், கோரிக்கை விவரத்துடன் அடைப்புக்குறிக்குள் குறிப்பிடப்பட்டுள்ளது.

WhatsApp_Image_2018-09-05_at_19.59.10

நடப்பது என்ன? குழுமம் சார்பாக, சட்டமன்ற உறுப்பினரிடம் வைக்கப்பட்ட கோரிக்கைகள் வருமாறு:

(1) ஜாபர் அப்பா தர்கா - ஐ.ஓ.பி. சந்திப்பில் பயணியர் நிழல்கொடை [provision (2)]

(2) ஊராட்சி ஒன்றியப்பள்ளி (தைக்கா தெரு) - மாணவர்களுக்கு தேவையான பெஞ்ச் மற்றும் நாற்காலிகள் [provision 3.4 (ii)]

(3) ஊராட்சி ஒன்றியப்பள்ளி (தைக்கா தெரு) முன்னர் இயங்கிவந்து, தற்போது காலியாக உள்ள இடத்தை சுற்றி சுவர் எழுப்புதல் [provision 1.5 (b) (5)]

(4) எல்.எப். சாலையில் - ரத்தினாபுரி அருகில் உள்ள நகராட்சிக்கு பாத்தியப்பட்ட இடத்தில் பொது மக்கள் பயன்பாட்டுக்கு பூங்கா [provision 1.5 (b) (10)]

(5) காயல்பட்டினம் அரசு மருத்துவமனைக்கு தேவையான புதிய வெளிநோயாளிகள் அறைகள் [provision 1.5 (b) (5)]

(6) காயல்பட்டினம் பெண்கள் அரசு மேனிலைப்பள்ளிக்கு (தீவு தெரு) புதிய வகுப்பறைகள் [provision 1.5 (b) (5)]

இது தவிர - காயல்பட்டினம் பகுதியின் அனைத்து மக்களின் ஆலோசனைகளை கேட்டும், அனைத்து பகுதி மக்களையும் சந்தித்து அவர்களின் தேவைகளை அறிந்தும் - இந்நிதிமூலம், பணிகள் மேற்கொள்ளவும் சட்டமன்ற உறுப்பினரிடம் வேண்டுகோள் வைக்கப்பட்டது.

மேலும் - இந்த சந்திப்பின் போது, எவ்வாறு, கடந்த இரு ஆண்டுகளாக, பல்வேறு கட்சி, கொள்கை, சிந்தனை கொண்ட அனைத்து மக்களையும் ஒருங்கிணைத்து, மெகா | நடப்பது என்ன? குழுமம் - பல்வேறு துறைகள் சம்பந்தப்பட்ட பணிகளை - இறைவனின் உதவிக்கொண்டு - நகரில் செய்து வருகிறது என்பதனை சட்டமன்ற உறுப்பினரிடம் விரிவாக நிர்வாகிகள் எடுத்துரைத்தனர்.

இவண்,

நிர்வாகிகள்,

நடப்பது என்ன? சமூக ஊடகக்குழுமம்.

[மக்கள் உரிமை நிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்]

[பதிவு: செப்டம்பர் 5, 2018; 8:00 pm]

[#NEPR/2018090503]

 

Add comment

காயல் நியுஸ், வாசகர்கள் கருத்துக்களை வரவேற்கிறது. வாசகர்களின் கருத்துகளுக்கு காயல் நியுஸ் நிர்வாகமோ அதன் ஆசிரியர் குழுவோ எந்த விதத்திலும் பொறுப்பாக மாட்டார்கள். முரண்பாடான மரியாதைக்குறைவான, கண்ணியமில்லாத கருத்துக்களை திருத்தி அமைப்பதற்கும் அவைகளை நீக்குவதற்கும் எங்களுக்கு முழு அதிகாரம் உண்டு. தங்களது பெயர் மற்றும் கருத்துக்களை தமிழில் தட்டச்சு செய்யலாம். உதாரணமாக "காயல்பட்டினம்" என்று தட்டச்சு செய்ய ஆங்கிலத்தில் "kaayalpattinam" என்று தட்டச்சு செய்து Space bar-ஐ அழுத்தினால் தங்கள் தட்டச்சு செய்த சொல் தமிழாக மாற்றப்படும். ஆங்கிலத்தில் தட்டச்சு செய்ய Ctrl+G -ஐ அழுத்தவும்.


Security code
Refresh

 
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை
பதாகை

feed-imageFeed Entries

சுடச்சுட காயல் செய்திகள்! சுவையான இஸ்லாமிய கட்டுரைகள் !!
தொடர்பு கொள்ள : admin@kayalnews.com
© Copyright : Kayalnews.com