கடந்த இரண்டு ஆண்டுகளுக்கு முன்பாக நமது தொகுதியில் நடைபெற்ற இடைத்தேர்தலின் போது பணம் புகுந்து விளையாடியதை நாம் அறிவோம்.வீடு வீடாக கதவை தட்டி தலைக்கு ஆயிரம் ருபாய் வீதம் அப்போது விநியோகம் செய்யப்பட்டது. அந்த இனிய நினைவுகள்? இன்னும் நம் ஊர் மக்களின் நெஞ்சை விட்டு நகரவில்லை.அப்போது பெயரளவில்  ஒற்றுமை பேசும் பேரவையினர் கைக்கட்டி பார்த்துக்கொண்டிருந்தனர்.

அது போலவே இந்த நகராட்சி தேர்தலிலும் வாக்காளர்களுக்கு பணம் பட்டுவாடா நடப்பதாக நமக்கு நம்ப தகுந்த தகவல்கள் வந்த வண்ணம் இருக்கிறது.

இதில் முன்னாள் நகர அரசியல் பிரமுகரும், சமுதாய கட்சியை சார்ந்தவன் என்று தன்னை சொல்லிக்கொள்ளும் இன்னொரு நபரும் தீவிர பட்டுவாடாவில் களம் இறங்கி இருப்பதாக தகவல்.

وَلَا تَأْكُلُوا أَمْوَالَكُم بَيْنَكُم بِالْبَاطِلِ وَتُدْلُوا بِهَا إِلَى الْحُكَّامِ لِتَأْكُلُوا فَرِيقًا مِّنْ أَمْوَالِ النَّاسِ بِالْإِثْمِ وَأَنتُمْ تَعْلَمُونَ

அன்றியும், உங்களுக்கிடையில் ஒருவர் மற்றவரின் பொருளைத் தவறான முறையில் சாப்பிடாதீர்கள்; மேலும், நீங்கள் அறிந்து கொண்டே பிற மக்களின் பொருள்களிலிருந்து(எந்த) ஒரு பகுதியையும், அநியாயமாகத் தின்பதற்காக அதிகாரிகளிடம் (இலஞ்சம் கொடுக்க) நெருங்காதீர்கள் - அல் குர்ஆன் 2:188.

இது குறித்து நகரில் சிலர் தூத்துக்குடி மாவட்ட தேர்தல் கண்காணிப்பாளர், பறக்கும் படை அதிகாரி, மாநில தேர்தல் கமிஷனர் ஆகியோருக்கு புகார்கள் ராக்கட் வேகத்தில் அளித்துக்கொண்டிருக்கின்றனர் .

ஐக்கியம் என்ற போர்வையில் நகர மக்களை ஜனநாயகத்திற்கு எதிராக திசை திருப்பிக்கொன்டிக்கும் ஒரு சிலர், தங்களால் நிறுவப்பட்டுள்ள டம்மி வேட்பாளர் ஒருவேளை மக்களால் தோற்கடிக்கப்பட்டு விடுவாரோ என்ற கவலையிலும் பயத்திலும் சமீப நாட்களாக பயத்தில் பரிதவிக்கின்றனர்.

இதனால் பல பெருந்தொகைகள் இரவுகளில் தூக்கத்தை தொலைத்து விட்டு திரு திரு கண்களோடு ஊரில் சதா உலா வருவதை காண்கிறோம்.

வேட்பாளர் தேர்வு சரியான முறையில் நடக்கவில்லை என இவ்வூரின் நலம் நாடுவோர் பலர் சொல்லிக்கொண்டிருக்க, வேட்பாளரே சரியில்லை என ஜலாலிய்யா மஜ்லிசில் நடைபெற்ற மகளிர் கூட்டத்தில் சிலர் கருத்து கூறியதை அடுத்து அக்கூட்டத்தை வழி நடத்திய ஒரு மறுதேடல் பிரமுகர் மேடை ஏறி பெண்களை சமாதானப்படுத்திய தமாஷும் அங்கு அரங்கேறியது.

புற நகர் பகுதிகளில் பணத்தோடு திரியும் அவலங்கள் நம்பத்தகுந்த வட்டாரங்களின் தகவல்கள் வந்ததையொட்டி புற நகர் சென்று சிலரிடம் பேட்டி கண்டு அதிர்ந்து போனது நம் நகர் வலம்.

தனது வேட்பாளரின் வெற்றிக்காக எது வேண்டுமானாலும் செய்யும் அரசியல் கட்சிகளைவிடவும் மோசமான முறையில் சில நகர பிரமுகர்கள் ஈடுபடுவதாக செய்திகள் சதா வந்துக்கொண்டிருக்கிறது.

இந்த ஊரை பிடித்த  சாபக்கேடான அந்த ஏகாதிபத்தியவான்கள் தான் இந்த பட்டுவாடாவிற்கு காரணம் என்று நகர மக்கள் முனு முனுக்கின்றனர்.

அந்த எஜமானித்துவத்தின் தரகர்களான சிலர் பண கட்டுகளோடு நகரில் வலம் வருகின்றனர்.எனவே பொதுமக்கள் மிகவும் உஷாராக இருக்கவேண்டும்.

இவ்வாறானவர்கள் தங்கள் பகுதிகளில் தென்பட்டால் புகார் செய்யும் சில தொலை தொடர்புகள் கீழே தரப்பட்டுள்ளன.

தமிழ் நாடு மாநில தேர்தல் ஆணையத்தின் Toll Free எண்கள்

     1800 42570 72       
             1800 42570 73       

      1800 42570 74       

சென்னை தமிழ் நாடு மாநில தேர்தல் ஆணையத்தின் தலைமையக எண்கள்

            (+91 44) 2475 3001      
                    (+91 44) 2475 3002      

 Fax எண்கள்

           (+91 44) 2475 3300      
                  (+91 44) 2475 1870      

மாவட்ட தேர்தல் கண்காணிப்பாளர் (மாவட்ட ஆட்சியர்)

            (+91 461) 234 0600      

Fax (+91 461) 234 0606 
Mobile:             (+91) 9444 186 000       

தூத்துக்குடி மாவட்ட தேர்தல் பார்வையாளர்

திரு மதிவாணன் IAS -             (+91) 94440 21488       

Police - IG (Elections)

            (+91) 94980 30108      

Police - SP (Elections)

            (+91) 94980 30109      

Principal Election Officer (Municipalities)

            (+91) 94980 30073     

இது ஒன்றையும் அறியாமல் நகராட்சி தேர்தலுக்காக தாற்காலிக ஒற்றுமை கோஷத்திற்கு ஆட்பட்டு இந்த யோக்கிய சிகாமணிகளின் ஏற்பாட்டில் நடைபெற்ற நேற்றைய பொதுக்கூட்டத்தில் பங்குபெற்ற சில அறிவு ஜீவிகளையும்,ஆலிம் பெருமக்களையும் நினைத்தால் கவலை, சோகம் போன்றவைகளை தவிர எஞ்சுவதற்கு ஏதும் இல்லை.

காசு கொடுத்து ஜனநாயகத்தை காவு வாங்கும் இந்த போலிகளின் முகமூடிகளை கிழிக்க பொதுமக்களாகிய நாம் துணிவுடன் ஜனநாயக முறையில் நீதிக்காக கடமையாற்ற வேண்டும்.

தேர்தல் நேரங்களில் இந்த கள்ள ஒட்டு கயவர்களை நாம் அடையாளம் கண்டுகொண்டு இந்திய அரசியல் நிர்ணய சட்ட முறையில் எதிர்கொள்ள வேண்டும்.

களம் இறங்குவோம்! காசு கொடுக்கும் கயவர்களை துகில் உறிப்போம்!

ஒட்டு போட வரும்  கள்ள வாக்காளர்களை அடையாளம் காணுவோம்!!

ஆக்கம்: நகர்வல நிருபர்கள்